ஐக்கிய குடியரசில் தங்க நகை மதிப்பிடுதல் பற்றி தெரிந்துகொள்ள ஒரு வழிகாட்டி

மிகவும் சுத்தமான வடிவத்தில் உள்ள தங்கம் மிகவும் மென்மையானது மற்றும் எல்லையில்லாமல் வளையக்கூடியது. எனவே நகைகளிலோ அல்லது பிற பொருட்களிலோ பயன்படுவதற்குத் தேவைப்படும் வலிமையையும் நிறத்தையும் பெற குறைந்த அளவே மற்ற உலோகங்கள் இதில் சேர்க்கப்படுகின்றன. ஆனால் எந்த அளவிற்கு தங்கத்துடன் மற்றவை சேர்க்கப்படுகின்றன என்பதை வெறும் கண்களால் காண முடியாது. எனவே வாங்குபவர்கள் தாங்கள் வாங்கிய பொருளின் தூய்மையை அறிய ஹால்மார்க் தேவைப்படுகிறது.

தங்க நகை ஹால்மார்க் முத்திரைகள் நாட்டுக்கு நாடு வேறுபடும் என்று உங்களுக்குத் தெரியுமா?

ஐக்கிய குடியரசில் அனைத்து தங்கப் பொருட்களும் உள்ளூர் சந்தையில் விற்கப்படுவதற்கு முன்பு, ஹால்மார்க் செய்யப்பட வேண்டும். இந்த முத்திரையானது புரவலர் குறித்த அங்கீகாரம், தூய்மை, தரச்சான்று அளிக்கும் அலுவலகம் ஆகியவற்றை உறுதி செய்கிறது. சில பொருட்களில் ஹால்மார்க் இடப்பட்ட நாளும் உள்ளது

• கட்டாயமான முத்திரைகள்
  • இந்தப் பொருளை ஹால்மார்க்கிங்கிற்கு அனுப்பும் நபர் அல்லது கம்பெனியின் தனித்துவமான முத்திரையே புரவலர்கள் முத்திரை (the sponsors mark). அது அசல் உற்பத்தியாளர், இறக்குமதியாளர், மொத்த விற்பனையாளர், சில்லரை விற்பனையாளர் அல்லது தரச்சான்று அளிக்கும் நிறுவனத்துடன் பதிவுசெய்யப்பட்ட எந்த தனிநபராகவும் இருக்கலாம்.

    

  • நிலையான ஹால்மார்க் துல்லியத்தின் தரத்தை விளக்குகிறது. அதாவது ஒவ்வொரு ஆயிரத்தின் பங்கிலும் உள்ள அந்தப் பொருளின் தூய்மை அளவை உரைக்கிறது. எடுத்துக்காட்டாக, 18 காரட் தங்கம் எனப்படுவது எடையளவில் 1000 பங்கு தங்கத்தில் 750 பகுதிகள்

    

  • கணக்கிடும் அலுவலகத்தின் முத்திரை, அங்குள்ள நான்கு கணக்கிடும் அலுவலகங்களில் எந்த அலுவலகம் அந்தப் பொருளை சோதித்து முத்திரையிட்டது என்று உரைக்கிறது.

    

• விருப்ப முத்திரைகள்
  • முத்திரையிடப்பட்ட கடிதத்தின் மூலம் குறியிடப்பட்ட தேதி முத்திரையானது அந்த பொருள் ஹால்மார்க் செய்யப்பட்ட ஆண்டினைக் குறிக்கிறது.

    

  • பாரம்பரிய முத்திரைகள் சில சமயம் அந்த உலோகத்தின் வகையைக் குறிப்பிட பயன்படுகிறது.

    

  • நினைவுச்சின்ன முத்திரைகள் முக்கிய நிகழ்வுகளைக் கொண்டாடுவதற்காக ஏற்படுத்தப்பட்ட முத்திரைகளாகும். எடுத்துக்காட்டாக, பேரரசியின் பொன்விழா ஆண்டு கொண்டாட்டங்கள் (2002) மற்றும் ஆயிரமாவது ஆண்டு கடந்து செல்வது (1999-2000) ஆகியவற்றைக் குறிப்பிடலாம்.

    

  • ஐக்கிய குடியரசு உறுப்பினராக உள்ள சர்வதேச பாரம்பரிய முத்திரைகள்

    

ஐக்கிய குடியரசில் ஹால்மார்க்கிங் செய்யப்படுவது குறித்த விதிகள் என்ன ?

ஐக்கிய குடியரசின் ஹால்மார்க்கிங் சட்டம் 1973ன்படி முக்கிய குற்றமாகக் கருதப்படுவது வர்ணனை. வர்த்தகம் அல்லது வணிகத்தில் ஈடுபட்டுள்ள எந்த நபருக்கும் பின்வருவது குற்றமாகக் கருதப்படுகிறது:

• ஹால்மார்க் செய்யப்படாத பொருள் முழுவதும் அல்லது பகுதியாக, தங்கத்தாலோ அல்லது வேறு பொருளாலோ ஆனது என்று வர்ணிப்பது குற்றம்.
• ஹால்மார்க் செய்யப்படாத பொருட்களில் அத்தகு வர்ணணனை இருப்பின், அவற்றை வினியோகிப்பதோ அல்லது வினியோகிக்க முயற்சிப்பதோ குற்றம்.

ஹால்மார்க்கிங் எப்போது தேவைப்படாது?

ஐக்கிய குடியரசில் ஹால்மார்க்கிங் செய்யப்படுவதற்கு சில விதிவிலக்குகள் உள்ளன. தங்கம் வாங்கும்போது ஹால்மார்க்கிங் ◌விலக்கு அளிக்கப்பட்ட பொருட்களின் பட்டியல் கீழே குறிப்பிடப்பட்டுள்ளது.

• கிராமுக்கும் குறைவான எடை கொண்ட பொருட்கள்
• தங்க நூலினால் ஆன பொருட்கள்
• மருத்துவ, பல்நோய் சார்ந்த, விலங்கு மருத்துவ, அறிவியல் அல்லது தொழில்நுட்பப் பயன்களுக்காக உபயோகிக்கப்படும் பொருட்கள்
• ஐக்கிய குடியரசு அல்லது வேறு எந்த பிரந்தியத்திலாவது வெளிவரும் தற்போதைய நாணயம் அல்லது முன்னர் வெளியிடப்பட்ட நாணயம்

விதிவிலக்கு அளிக்கப்பட்ட பொருட்களின் முழுபட்டியலைக் காண இங்கே க்ளிக் செய்யவும்.

நீங்கள் ஐக்கிய குடியரசில் தங்கம் வாங்கிவிட்டு அதனை இந்தியாவிற்குக் கொண்டுவர வேண்டும் என்று நினைக்கிறீர்களா, இந்த விதிகளையும் ஒழுங்குமுறைகளையும் தெரிந்துகொண்டு உறுதி செய்து கொள்ளவும். தங்கத்துடன் பயணிக்கும்போது நீங்கள் தெரிந்துகொள்ள வேண்டிய அனைத்தும்