தங்கம் ஒரு காப்பீடு முதல் தங்கம் ஒரு முதலீடு வரை

முதலீடு மற்றும் காப்பீடு, எந்தவொரு நிதித்துறைக்கும் இரண்டு முக்கிய தூண்களாகும். உங்கள் பணத்தை பெருகச் செய்ய நீங்கள் முதலீடு செய்ய வேண்டும், மேலும் எந்தவொரு பொருளாதார நெருக்கடியிலிருந்தும் உங்களைப் பாதுகாத்துக் கொள்ள அதை காப்பீடு செய்ய வேண்டும்.

இப்போது, உங்கள் துறையில் தங்கம் என்ன பங்கு வகிக்கிறது - அது ஒரு முதலீட்டு பொருளாக இருகிறதா அல்லது அதன் மேல் ஒரு காப்பீடு செலுத்தப்படுகிறதா? வேறு எந்த சொத்தாலும் அளிக்க முடியாத ஒன்றை உங்கள் துறைக்கு தங்கம் அளிக்கிறது. அது ஒரு முதலீடு செய்யக்கூடிய இடமாகவும் அதே நேரத்தில் நிதி நெருக்கடிக்கு எதிரான காப்பீடாகவும் செயல்பட முடியும். எப்படி என்று பார்ப்போம்:

தங்கம் ஒரு காப்பீடு

எந்தவொரு எதிர்பாராத நெருக்கடியாலும் ஏற்படும் சேதத்தைத் தணிப்பதற்கு எந்த வடிவிலான காப்பீடும் பாதுகாப்பு அளிக்கும் அதையேதான் தங்கமும் உங்கள் துறைக்கு செய்கிறது பங்குகள் மற்றும் பாண்டுகள் போன்ற முக்கிய சொத்து வகுப்புகளுடன் அதன் குறைந்த தொடர்பைக் கருத்தில் கொண்டால், பொருளாதார நெருக்கடியின் போது தங்கம் சிறப்பாக செயல்படும்.

உதாரணமாக, 2020 ஆம் ஆண்டில் COVID-19 தொற்றுநோயை எடுத்துக் கொள்ளுங்கள்.

தொற்று பரவலின் போது தங்கத்தின் விலை கடுமையாக உயர்ந்தன,ஆகஸ்ட் 6, 2020 அன்று 10 கிராம் 24k தங்கம் அதிகபட்சமாக ரூபாய் 57,950 ஐ எட்டியது.

தங்க முதலீடுகளில் முதலீடு செய்த முதலீட்டாளர்களுக்கு அது அவர்களின் இழப்பை ஈடுசெய்து அவர்களுக்கு பணப்புழக்கத்தை வழங்கியது.

பணவீக்கத்தின் போது கூட, விலைகள் மிக அதிகமாக இருக்கும் போது தங்கம், முதலீட்டாளர்களுக்கு ஒரு பாதுகாப்பு வலையாக செயல்படுகிறது. தங்கம் கிடைக்கும் அளவு குறைவு மற்றும் அதன் உள்ளார்ந்த மதிப்பு ஆகியவற்றைக் கருத்தில் கொள்ளும்போது, தங்கத்தின் தேவை ஒருபோதும் குறையாது, அதன் விலையும் குறையாது.

அது மட்டுமல்ல; முதலீட்டாளர்கள் பண மதிப்பிழப்புக்கு எதிராக தங்கத்தை ஒரு பாதுகாப்பு அரணாக பயன்படுத்துகின்றனர். டாலர் விலை பலவீனமடையும் போது, தங்கம் விலை அதிகமாக இருக்கும். எனவே, காகித நாணயம் அச்சுறுத்தலுக்கு உள்ளாகும்போது மக்கள் தங்கத்தை ஒரு புகலிடமாக கருதுகிறார்கள்.

வரலாற்று ரீதியாக, நாணயங்கள் செல்லாததாக்கப்படும் போது அல்லது அவற்றின் வாங்கும் சக்தி கடுமையாக வீழ்ச்சியடையும் போது அல்லது பங்குச் சந்தை வீழ்ச்சியடையும் போது, முதலீட்டாளர்களின் துறைக்கு தங்கம் மீட்சிக்கு வருகிறது. எனவே, தங்கம் உங்கள் துறைக்கு ஒரு புத்திசாலித்தனமான சேர்க்கையாக இருக்க உதவுகிறது, ஏனெனில் இது ஒரு பலனளிக்கும் பன்முகப் பொருளாக செயல்படுகிறது.

தங்கம் ஒரு முதலீடு

தங்கம் ஒரு காப்பீடு என்ற புகழ் நன்கு நிறுவியிருந்தாலும், தங்கம் ஒரு இலாபகரமான முதலீட்டு சொத்தாகவும் தன்னை நிரூபித்துள்ளது, அது கடினமான பொருளாதார காலங்களில் கூட நல்ல வருமானத்தை அளிக்கிறது.

உதாரணமாக, உலக முதலீட்டு தேவை 2001 முதல் ஆண்டுக்கு சராசரியாக 15% அதிகரித்துள்ளது மற்றும் அதே காலகட்டத்தில் அதன் விலை கிட்டத்தட்ட பதினொரு மடங்கு அதிகரித்துள்ளது

தங்கம் கடந்த காலங்களில் மிகவும் பலனளிக்கும் முதலீட்டுச் சொத்துக்கள் சிலவற்றையும் விஞ்சியிருப்பதைக் காணலாம்.

நீண்ட காலத்திற்கு தங்கத்தின் மதிப்பு பொருளாதார வளர்ச்சியால் ஆதரிக்கப்படுகிறது. இது பணவீக்கத்திற்கு எதிரான ஒரு பாதுகாவலாக செயல்படுவது மட்டுமல்லாமல், நீண்ட கால முதலீட்டுக்கு பிறகு மிகவும் சிறந்த வருமானத்தையும் வழங்குகிறது. மற்ற சொத்து வகைகள் போலல்லாமல், தங்கத்தின் மதிப்பு பிராந்திய எல்லைகள் மற்றும் சவரன் நாணயங்களையும் கடந்து சென்றடைகிறது இது எளிதில் கிடைக்கிறது மற்றும் வெளிப்படையானது, இருந்தும் வேறு எந்த சொத்தையும் விட சிறந்த பணப்புழக்கத்தை வழங்குகிறது.

தங்கம் வாங்குவது மற்றும் விற்பது இந்த நாட்களில் பல்வேறு வடிவங்களில் உள்ளது. நேரடி தங்கம் தவிர, பரிமாற்ற வர்த்தக நிதிகள் (ETF கள்)  மற்றும் டிஜிட்டல் தங்கம், நவீன உலக இந்தியர்கள் முதலீடு செய்ய புதிய வழிகளை வழங்குகின்றன. நகைகள் மற்றும் நாணயங்களைப் போலல்லாமல், இவற்றிற்கு எந்த விதமான கட்டணமும் இல்லை மற்றும் பாதுகாக்க வேண்டும் என்ற தொந்தரவும் இல்லை மேலும் தங்க முதலீட்டில் புதிதாய் தொடங்குகிறவர்களுக்கு அவை சிறிய தொகைகளில் எளிதாகக் கிடைக்கின்றன.

மக்கள் வழக்கம்போல் தங்கத்தை வாங்கினாலும் அல்லது புதிய வழிகளில் ஒன்றைப் பயன்படுத்தினாலும், அது இந்தியர்களுக்கு ஒரு தனித்துவமான மற்றும் மிகவும் விருப்பமான முதலீட்டு தேர்வாக தொடரும். எனவே, உங்கள் முதலீட்டு துறைக்கான காப்பீடாக தங்கத்தை வகைப்படுத்தினாலும் அல்லது அதில் முதலீடு செய்தாலும், தங்கம் சந்தேகத்திற்கு இடமின்றி அதற்கு தகுதியான சேர்க்கையாகும்.