பூமியின் தங்கம் முழுவதும் விண்கலங்களிலிருந்து வந்தது

திரைப்பட இயக்குனர் ஜேம்ஸ் கேமரூனின் சிறந்த திரைப்படமான அவதார் - மற்றும் அவரது முந்தைய திரைப்படமான ஏலியன்ஸ் – ஆகிய இரண்டும் விலைமதிப்பற்ற உலோகங்களுக்காக மற்ற கிரகங்களை ஆராயும் கதைகளைச் சுற்றி கட்டமைக்கப்பட்டதாகும். முன்-கொலம்பிய காலத்தில் இருந்த பூர்வீக அமெரிக்கர்கள் என்பவர்கள் திகைப்பூட்டும் மஞ்சள் உலோகமான தங்கமானது, சூரியனிடம் இருந்து சக்தியை கைப்பற்றுகிறது என்று நம்பிக்கொண்டிருந்தனர். பூமி தோன்றிய ஆரம்ப காலங்களில், மிகப்பெரிய அளவிலான விண்கற்கள் பூமியைத் தாக்கிய பிறகு, உலகின் அனைத்து தங்கமும் உருவானது என்று உலோகங்களின் தோற்றத்தை ஆராயும் புவியியல் வல்லுநர்கள் கூறுகிறார்கள்.

எரிமலைகள் மற்றும் உருகிய பாறைகள் கிரகத்தில் உமிழப்பட்டுக் கொண்டிருந்த காலத்தில் பூமி உருவான பொழுது, பூமியின் மையப்பகுதியில் உருகிய பாறை மூழ்கியதாக பிரிஸ்டோல் பல்கலைக்கழகத்தின் புவியியலாளர்கள் கூறுகிறார்கள். இரும்பு மற்றும் பிற கனரக உலோகங்கள் பெரும்பாலானவை பூமியின் வெளிப்புற அடுக்கில் இருந்து மையத்தை நோக்கி மூழ்கிய பொழுது, அவை கிரகத்தின் விலைமதிப்பற்ற உலோகங்களை தன்னுடன் அதிக அளவில் எடுத்துக்கொண்டு வந்தன.

லண்டன் இம்பீரியல் கல்லூரியின் புவியியலாளரான மத்தியாஸ் வில்போல்ட் என்பவர், ஆலிவ் எண்ணெய் உள்ள தட்டின் கீழே வினிகர் சொட்டுக்கள் திரண்டிருக்கும் செயல்முறையை ஒப்பிடுகிறார். 200 மில்லியன் ஆண்டுகளுக்கு முன்னர் விண்கற்கள் பூமியை தாக்கும் வரையில் பூமியின் மேல் அடுக்குகளில் தங்கம் எதுவும் இல்லை என்பதையும், அதன்பின்னர் பூமியின் அதிர்ஷ்டம் திடீரென மாறியதாகவும் அவர் பரிந்துரைக்கிறார்.

பூமியின் 25 மைல் தடிமன் கொண்ட மேல் அடுக்கில், 1,000 டன்கள் பிற பொருட்களுக்கு சுமார் 1.3 கிராம் தங்கம் மட்டுமே இருக்கும், நமது கிரகத்தின் உருவாக்கம் பற்றி விளக்கும் மாதிரிகளுக்கு இது பொருந்தும். இந்தக் கருத்தியலானது, "இறுதி குண்டுவீச்சு" என்று குறிப்பிடப்படும், 3.8 பில்லியன் ஆண்டுகளுக்கு முன்னர் நிகழ்ந்த ஒரு புயலால் உச்சக்கட்டத்தை அடைந்த விண்கற்களின் செயல்பாடு மற்றும் வடிவங்கள் குறித்த தற்போதைய புரிந்துணர்வுடன் பொருந்துகிறது என்று பிபிசி நியூஸ் உடனான ஒரு நேர்காணலில் வில்போல்ட் குறிப்பிட்டார்."

இன்றைய காலகட்டத்தில், பெரும்பாலான விஞ்ஞானிகள் இந்த கோட்பாட்டை நம் கிரகத்தில் தங்கம் மிகுதியாக இருப்பதை விளக்குவதற்கான ஒரு வழியாக வைத்திருக்கிறார்கள். இருப்பினும், ஒரு சிறிய குழுவிலான விஞ்ஞானிகள் ஒரு மாற்று, எதிர் கோட்பாட்டை கொண்டிருக்கிறார்கள். பூமியின் ஆரம்ப காலத்தில் இருந்தே பூமியின் மேற்புறத்தில் உள்ள அனைத்து தங்கமும் அல்லது அதிக அளவிலான தங்கமும் இருந்ததாக அவர்கள் கருதுகின்றனர்.

பெரும்பாலானவை கடுமையான நிலைமைகளின்கீழ் இரும்போடு கலக்கப்பட்டு, பூமியின் மையத்தை நோக்கி நகர்ந்திருந்தாலும், ஒரு கணிசமான விகிதமானது (சுமார் 0.2%), பூமியின் வெளிப்புறச் சூழலில் 700 கிமீ ஆழமுள்ள மாக்மா "பெருங்கடலில்" கலந்தது. இந்தத் தங்கமானது, பின்னர் எரிமலை நடவடிக்கை மூலமாக வெளிப்புறமாக மீண்டும் கொண்டு வரப்பட்டது, இவைதான் நாம் இன்று நகைகளாகப் பயன்படுத்தும் தங்கமாகும்.