പരമ്പരാഗതരീതിയിലുള്ള സ്റ്റൈലിംഗിന് കോലാപുരി ആഭരണങ്ങൾ

ഫാഷൻ ട്രെൻഡുകൾ സ്വീകരിക്കുന്ന കാര്യത്തിൽ ലോകം ഒരൊറ്റ ഗ്രാമം പോലെയാണ്. കടുംനിറങ്ങളും സങ്കീർണ്ണമായ വിശദാംശങ്ങളും വലിപ്പമേറിയ ആഭരങ്ങളുമായി മാക്‌സിമലിസ്റ്റ് ഫാഷൻ ഇതാ തിരിച്ചെത്തിയിരിക്കുന്നു. ഇന്ത്യയിലും ഇതിപ്പോൾ ചുവടുറപ്പിച്ചിട്ടുണ്ട്.

ആഭരണങ്ങളിലെ മാക്സിമലിസത്തെക്കുറിച്ച് പറയുമ്പോൾ ഇന്ത്യയ്ക്ക് പാശ്ചാത്യരാജ്യങ്ങളിലേക്ക് നോക്കേണ്ട ആവശ്യമില്ല. നമ്മുടെ സമ്പന്നമായ ആഭരണ നിർമ്മാണ പൈതൃകത്തിൽ അധികവും മാക്സിമലിസ്റ്റ് ഫാഷനുമായി യോജിക്കുന്ന ബോൾഡ് ഡിസൈനുകളുടെ സൗന്ദര്യശാസ്ത്രമാണ് പ്രതിഫലിക്കുന്നത്.  കൂടാതെ, ഇന്ത്യൻ സ്റ്റൈലിസ്റ്റുകളും ജ്വല്ലറികളും ഡിസൈനർമാരും, എല്ലാത്തരം ഫാഷനുകളിലേക്കും ശൈലികളിലേക്കും പരമ്പരാഗത ഇന്ത്യൻ ആഭരണ മാതൃകകൾ  സ്വാംശീകരിക്കുകയും സംയോജിപ്പിക്കുകയും ചെയ്തിട്ടുണ്ട്

അതിനാൽ, മാക്സിമലിസമായാലും ഫാഷൻ ലോകത്തെ  മറ്റേതൊരു ട്രെൻഡ് ആയാലും,സമകാലിക ഫാഷനിൽ  പരമ്പരാഗത സ്വർണ്ണാഭരണങ്ങൾ എപ്പോഴും തങ്ങളുടെ സ്ഥാനം കണ്ടെത്താറുണ്ട്.

പരമ്പരാഗത ആഭരണങ്ങൾ - ഇന്നേക്കും എന്നേക്കും

ഒരു വിശേഷാവസരമായിക്കൊള്ളട്ടെ, ഉത്സവമോ വിവാഹമോ ആയിക്കൊള്ളട്ടെ, കുടുംബത്തിൽ തലമുറകളായി നിങ്ങൾക്ക് കൈമാറി ലഭിച്ച ഒരു സ്വർണ്ണാഭരണം ധരിക്കുന്നത് നിങ്ങളുടെ രൂപത്തിന് പ്രൌഢി കൂട്ടും. പാരമ്പര്യവും ഫാഷൻ ട്രെൻഡുകളും ഇത്തരത്തിൽ ഒത്തുചേരുന്നതിന് ഒരുദാഹരണമാണ് നിങ്ങളുടെ ആഭരണശേഖരത്തിലുള്ള മനോഹരമായ കോലാപുരി സ്വർണ്ണാഭരണങ്ങൾ. 

ദിനവും അണിയുന്നതിനോ അല്ലെങ്കിൽ വിശേഷാവസരങ്ങളിൽ അണിയുന്നതിനോ നിങ്ങൾക്ക് പരിഗണിക്കാവുന്ന ചില പരമ്പരാഗത കോലാപ്പുരി ആഭരണങ്ങൾ ഇതാ-

മാലകൾ 

പെൻഡന്റോടുകൂടിയ ഒരു ക്ലാസിക്ക് സ്വർണ്ണ ചെയിൻ ഏതവസരത്തിലും ധരിക്കാവുന്ന ഒന്നാണ്. ഭാരമേറിയ സങ്കീർണ്ണമായ ഡിസൈനുകളിൽ തുടങ്ങി ലളിതമായവ ഡിസൈനുകൾ വരെ പല തരത്തിലുള്ള ഗോൾഡ് ചെയിനുകൾ ലഭ്യമാണ്. വിശേഷാവസരങ്ങളിൽ പരമ്പരാഗത ടെമ്പിൾ ജ്വല്ലറി നെക്‌പീസുകൾക്കൊപ്പം ഇവ ധരിക്കുകയാണെങ്കിൽ   മനോഹരമായ ഒരു കോമ്പിനേഷനായിരിക്കും അത്. തുഷി, പുത്ലി ഹാർ തുടങ്ങി ചോക്കർ മാതൃകയിലുള്ള മാലകൾ ഇങ്ങനെ ധരിക്കാൻ ഏറ്റവും മികച്ചതാണ്.

കൂടുതൽ ലെയറുകലാണ് നിങ്ങൾ നോക്കുന്നതെങ്കിൽ, കോലാപുരി സാജും ചന്ദ്ര ഹാറും കുറച്ചുകൂടി പകിട്ടേറിയ ഒരു ലുക്ക് നല്കുന്നു. നേരെമറിച്ച്, ഒരു പേഷ്വായ് സാജ്  മാലയാണെങ്കിൽ അത് കുർത്തിക്കൊപ്പവും നൗവാരി സാരിക്കൊപ്പവും യോജിച്ചുപോകും.

സ്വർണ്ണ സ്റ്റഡ് കമ്മലുകൾ 

ഗോൾഡ് സ്റ്റഡ് കമ്മലുകൾ ദിനംപ്രതി ധരിക്കാവുന്ന അത്രയും ലളിതമാണെങ്കിലും നിങ്ങളുടെ മുഖത്തിന്റെ സൗന്ദര്യം എടുത്തുകാണിക്കാൻ അവ സഹായിക്കും. വൃത്താകൃതിയിലുള്ളതോ കോണുകളുള്ളതോ ആയ പരമ്പരാഗത ഡിസൈനുകൾ മുത ൽ ആധുനിക ജ്യാമിതീയ പാറ്റേണുകൾ വരെ നിങ്ങളുടെ കുടുംബത്തിൻ്റെ സ്വർണ്ണാഭരണ ശേഖരത്തിൽ നിന്ന് നിങ്ങൾക്ക് തിരഞ്ഞെടുക്കാം.

അങ്ങനെ സമ്പന്നമായ കോലാപുരി സ്വർണ്ണാഭരണ പാരമ്പര്യത്തിലേക്ക് മടങ്ങിപ്പോകുമ്പോൾ നിങ്ങളുടെ ജ്വല്ലറി ബോക്സിൽ ആധുനിക ഇന്ത്യൻ വസ്ത്രങ്ങളോടൊപ്പം നിങ്ങൾക്ക് ധരിക്കാൻ കഴിയുന്ന,സങ്കീർണ്ണമായ ഡിസൈനിലുള്ള ഒരു ബുഗ്ഡി അതിലുണ്ടോ എന്ന് നോക്കുക.

വളകളും ബ്രേസ്ലറ്റുകളും 

നിങ്ങളുടെ ആഭരണപ്പെട്ടിയിൽ ഉള്ള ലോലമായ ഒരു ബ്രേസ്ലെറ്റോ വളകളോ നിങ്ങൾ ഏതു തരം ഫാഷൻ വസ്ത്രങ്ങൾ ധരിച്ചാലും ഒപ്പം കൂട്ടാവുന്നതാണ്. എന്നാൽ നിങ്ങൾക്ക് വേണ്ടത് കൂടുതൽ സങ്കീർണ്ണമായ ഒരു ഡിസൈൻ ആണെങ്കിൽ വിസ്മയകരമായ കരവിരുതിനാൽ തീർത്ത ഒരു കോലാപുരി ടോഡ് ഒരു മികച്ച ചോയ്സ് ആണ്. നിങ്ങൾ കൂടുതൽ പരമ്പരാഗതമായ ഒരു ശൈലിയാണ് ആഗ്രഹിക്കുന്നതെങ്കിൽ വളകളും ഒപ്പം ധരിക്കാം.

പാരമ്പര്യങ്ങളുടെ സംരക്ഷണം

ഈ സങ്കീർണ്ണമായ ഡിസൈനുകളോടുകൂടിയ കോലാപ്പുരി ആഭരണങ്ങൾ ഉണ്ടെങ്കിൽ പരമ്പരാഗതശൈലി സ്വന്തമാക്കുന്നത് ഒട്ടും കഠിനമല്ല. നിങ്ങളുടെ വേഷത്തിന് മാക്‌സിമലിസത്തിൻ്റെയും സംസ്‌കാരത്തിൻ്റെയും പ്രൗഢി നൽകുന്നതിനും നിങ്ങൾ ദിനേന ധരിക്കുന്ന വസ്ത്രങ്ങൾക്ക് കരകൌശലചാതുരിയുടെ മേന്മ നല്കുന്നതിനും പലരീതികൾ കണ്ടെത്താം. 

സങ്കീർണ്ണമായ കരകൌശലവിദ്യകൾ കൊണ്ടുതീർത്ത കോലാപുരി ബുഗ്ഡി മുതൽ സുന്ദരമായ മുത്തുകൾ കൊണ്ടുതീർത്ത തുഷി ഹാർ വരെ ഓരോ കോലാപ്പുരി ആഭരണവും സൂക്ഷ്മമായ കലാവൈഭവത്തെ പ്രതിഫലിപ്പിക്കുന്നു.ആത്യന്തികമായി, ഈ ആഭരണങ്ങൾ സ്വന്തമാക്കുക എന്നാൽ ഫാഷനുമപ്പുറത്തേക്ക് നമ്മുടെ സംസ്കാരവും പാരമ്പര്യവും പ്രതിഫലിപ്പിക്കുന്ന കാലാതിവർത്തിയായ ഒരു നിക്ഷേപം സ്വന്തമാക്കുക എന്നാണർഥം.