உலகின் தங்க ஜுகர்நாட்கள்

உலகெங்கிலும், சந்தையில் உறுதியற்ற தன்மை நிலவும் போது மற்றும் புவி-அரசியல் நிச்சயமற்ற காலங்களில், தங்கமானது ஒரு பாதுகாப்பான புகலிட சொத்தாக மதிக்கப்படுகிறது. தங்கமானது நாடுகளின் எல்லைகள் மற்றும் காலங்களுக்கு அப்பாற்பட்டு மாபெரும் பொருளாதார, அழகியல் மற்றும் உணர்ச்சிபூர்வ மதிப்பைக் கொண்டுள்ளது. தங்கமானது, பாரம்பரிய மற்றும் மாற்று சொத்துக்களுக்கு எதிராக பல்வகைப்படுத்தக்கூடியதாக உள்ளது மற்றும் சந்தை அபாயங்களுக்கு எதிரான ஒரு இடர்காப்பு ஆகவும் கருதப்படுகிறது.

இதன் காரணமாகவே, 2008 ஆம் ஆண்டு முதல், மத்திய வங்கிகள் தமது தங்கக் கையிருப்பை அதிகரித்தவண்ணம் உள்ளன. ஓராண்டில் தங்கத்திற்கு உள்ள தேவையில் இது கணிசமான அளவு ஆகும். இந்த அதிசயத்தை இரண்டு முக்கியக் காரணிகள் ஏற்படுத்தியுள்ளன:

• மத்திய வங்கியின் தங்க ஒப்பந்த அமலாக்கம் (1999) மற்றும் புதுப்பிப்பு (2014)
• நிதி நெருக்கடி தொடங்கியதிலிருந்து, சந்தையை மையப்படுத்திய வங்கிகளின் தலைத்தூக்கல் மூலம் வெளிநாட்டு இருப்புக்களை தங்கமாக்குதல்

உலகிலேயே மிக அதிகமான தங்க இருப்புக்கள் (ஜூன் 2018 அன்றைய நிலவரப்படி) வைத்திருக்கும் முன்னணி 10 மத்திய வங்கிகளின் பட்டியல் இங்கே பட்டியலிடப்பட்டுள்ளது:

1. இந்தியா

   தங்கத்தின் இரண்டாவது மாபெரும் நுகர்வோராக இருக்கும் இந்தியா, இந்தப் பட்டியலில் இடம்பிடித்ததில் ஆச்சரியமேதுமில்லை. தற்பொழுது, இந்திய ரிசர்வ் வங்கியானது 560.3 டன் தங்கம் வைத்திருக்கிறது, இதன் அந்நிய செலாவணி கையிருப்பில் இது 5.5% ஆகும்.

2. நெதர்லாந்து

   612.5 டன் தங்க இருப்பு வைத்துள்ள இந்த சிறிய ஐரோப்பிய நாடு 9 வது இடத்தில் பெரியதாக உள்ளது. அதன் மொத்த வெளிநாட்டு இருப்புக்களில் 68.2% தங்க இருப்பு ஆகும். அமெரிக்காவில் வைத்திருந்த பெருமளவிலான தங்கக் கையிருப்பில் பெரும் பகுதியினை நெதர்லாந்து சமீபத்தில் திரும்பப் பெற்றது.

3. ஜப்பான்

   உலகின் மூன்றாவது பெரிய பொருளாதாரத்தைக் கொண்டிருக்கும் ஜப்பான் 765.2 டன்கள் தங்கத்துடன், அதனை பெருமளவில் சேகரிப்பவர்களில் 8ஆம் இடத்தை வகிக்கிறது. ஜப்பானின் மொத்த அந்நிய செலாவணி கையிருப்புகளில் இது வெறும் 2.5% மட்டுமே.

4. சுவிட்சர்லாந்து

   தனிநபர் தங்க கையிருப்புகள் அதிகம் வைத்துள்ள நாடுகளில் சுவிட்சர்லாந்து முதலிடத்தில் உள்ளது. அதன் தற்போதைய இருப்பு 1040 டன்கள் ஆகும். கடந்த சில ஆண்டுகளாக இந்த அளவு மாறாமல் உள்ளது. ஒட்டுமொத்த அந்நிய செலாவணியில் தங்கத்தின் பங்கு 5.3% ஆகும்.

5. சீனா

   2018 ஆம் ஆண்டு சீனா, மொத்த தங்கக் கையிருப்பாக 1842.6 டன்களுடன் ஒரு இடம் பின்தங்கியது. தங்கம் கிடைத்துள்ளது. அந்நிய கையிருப்பில் இது 2.4% ஆக இருப்பதுடன், முதல் 10 நாடுகளுடன் ஒப்பிடும் பொழுது, மிகக்குறைவானதாகும். சர்வதேச நாணய நிதியத்தின் (ஐஎம்எஃப்) கையிருப்பு கரன்சிகளின் ஓர் அங்கமான டாலர், பவுண்டு, யூரோ மற்றும் யென் ஆகியவற்றின் வரிசையில் சீனாவின் ரென்மின்பியும் சேர்வதால், இந்த நாடு, தனது தங்கக் கையிருப்பை மேலும் அதிகரிக்கும் என்று எதிர்பார்க்கப்படுகிறது.

6. ரஷ்யா

   2017ஆம் ஆண்டு ரஷ்யா 223.5 டன் தங்கத்தை வாங்கியதன் மூலம் சீனாவின் இடத்தை முந்தி 5ஆம் இடத்தை பிடித்துள்ளது. இது 200 டன்களுக்கு அதிகமாக, தொடர்ந்து மூன்றாவது முறையாக ரஷ்யா செய்யும் தங்கக் கொள்முதல் ஆகும். இந்தக் கொள்முதல் உடன் நாட்டின் மொத்த தங்கக் கையிருப்பானது 1909.8 டன்களை எட்டியுள்ளது. வெளிநாட்டு இருப்புகளில் இது 17.6% ஆகும்.

7. பிரான்ஸ்

   2436 டன்களுடன் நான்காமிடம் வகிக்கிறது. பிரான்சின் இருப்புக்கள் சமீபத்தில் அதிகளவில் மாறவில்லை. இந்த விலை மதிப்புள்ள உலோகத்தை விற்பனை செய்வதை நிறுத்தியுள்ளதுடன், வெளிநாட்டு பாதுகாப்புப் பெட்டகங்களிலுள்ள தங்கத்தைத் திரும்பப் பெறுவதற்கான நடைமுறைகளிலும் ஈடுபட்டுள்ளது. அந்நிய செலாவணியில், இதன் மொத்த தங்க இருப்பு 63.9% ஆகும்.

8. இத்தாலி

   இத்தாலி, 2451.8 டன் தங்க இருப்புடன் மிகக்குறைந்தளவே பிரான்ஸை முந்தியிருக்கிறது. கடந்த சில ஆண்டுகளாக இதன் தங்கக் கையிருப்பில் எந்த மாற்றமும் இல்லை. வெளிநாடுகளிலுள்ள மொத்த இருப்புகளில், இதன் மொத்த தங்க கையிருப்பு 67.9% ஆகும்.

9. ஜெர்மனி

   ஜெர்மனி, 3371 டன் தங்கத்தை வைத்துள்ளது. இதில் பெரும்பாலான தங்கம். வெளிநாட்டில் வைக்கப்பட்டுள்ளது. பிரான்ஸ் மற்றும் நெதர்லாந்து நாடுகளைப் போலவே, ஜெர்மனியும் அதன் தங்கத்தைத் திரும்பப் பெறும் நடைமுறையில் ஈடுபட்டுள்ளது, மேலும், அதன் 70.6% வெளிநாட்டு இருப்புக்கள் மொத்தமாக, 2020 ஆம் ஆண்டளவில் சோவரெய்ன் லிமிட்களில் இருக்கக்கூடும்.

10. ஐக்கிய அமெரிக்க நாடுகள்

    8133.5 டன் பாரிய இருப்புடன் அமெரிக்கா, அதற்கு அடுத்த மூன்று இடங்களில் உள்ள ஜெர்மனி, இத்தாலி மற்றும் பிரான்ஸ் ஆகிய நாடுகளின் மொத்தக் கையிருப்பைக் காட்டிலுக்; கூடுதலாக வைத்துள்ளது. வெளிநாடுகளிலுள்ள மொத்த இருப்புகளில், இதன் மொத்த தங்க கையிருப்பு 75.2% ஆகும். தாஜிகிஸ்தான் (88%) கையிருப்புடன் முதலிடத்தில் உள்ளது. கென்டகியில் உள்ள ஃபோர்ட் நாக்ஸில் தங்கத்திற்கான தேவை எப்போதும் பசுமையானது. தங்கம் வாங்குவதற்கு டிஜிட்டல் கோல்டு முதல் தங்க ஈடிஎஃப் போன்ற புதிய வழிமுறைகள் கண்டுபிடிக்கப்பட்டுள்ள இந்த நிலையில், இந்தியாவில் தங்கத்திற்கு உள்ள தேவை படிக்க சுவாரஸ்யமாக இருக்கும்.