ஜகத்: தங்கத்தைப் பரிசளித்தல்

"உண்மையான கருணை என்பது: கடவுளையும், இறுதி நாளையும், தேவதூதர்களையும், புத்தகத்தையும், தீர்க்கதரிசிகளையும் நம்புவதற்கு, உறவினர்களுக்கும், அநாதைகளுக்கும், ஏழைகளுக்கும், பயணிகளுக்கும், பிச்சைக்காரர்களுக்கும் ஏதாவது ஒரு பொருளைக் கொடுக்கவும், அடிமைகளை மீட்பதற்கான பணம் கொடுக்கவும், தொழுகையை நிறைவேற்றவும், ஜகத் கொடுக்கவும் " (குர்ஆன் 2:177)

ஒரு ஆலிவ் மரத்தை நடும் ஒரு வயதான மனிதன், ஒரு பாரசீக ஷா ஆகியோரைப் பற்றி முஸ்லீம் உலகில் ஒரு சிறந்த கதை சொல்லப்படுகிறது. நல்ல பழங்களை உற்பத்தி செய்ய ஆலிவ் மரத்திற்கு பல தசாப்தங்கள் எடுக்கும் என்பது உலகம் முழுவதும் அறியப்பட்டதாகும். தாங்கள் பயன் அடையவே முடியாத ஒரு மரத்தை ஏன் நடுகிறீர்கள் என்று ஷா கேட்கும்போது, அந்த வயதான மனிதர், "நமக்கு முன்னால் வந்தவர்கள் மரம் நட்டதால், நாம் பயனடைந்தோம். எனக்குப் பின்னால் வருபவர் நன்மை அடைவதற்காக நான் நடுகிறேன்" என்று பதில் கூறினார்.

குர்ஆனின் கூற்றுப்படி, ஜகத் என்பது பிரார்த்தனைக்கு அடுத்து முக்கியத்துவம் வாய்ந்த ஒன்றாகும், மேலும் இஸ்லாத்தின் ஐந்து தூண்களில் அது ஒன்றாகும். இந்த முறையின்படி ஒவ்வொரு பிறை ஆண்டிலும், மொத்த சேமிப்புகளில் 2.5% தொகையை தானமாக அளிக்க வேண்டும்; இந்த சேமிப்புகளானது பெரும்பாலும் தங்கம் மற்றும் தங்க நகைகளாக இருக்கிறது.

முஹம்மது நபியின் வாரிசால் ஏற்படுத்தப்பட்ட சட்டப்பூர்வ ஜகத் முறைப்படி, தங்கம் என்பது எதிர்காலத்திற்கான முதலீடாகக் கருதப்படுகிறது, மேலும் வருடாந்திர ஜகத்-ஐ கணக்கிடும்போது அவற்றைக் கருத்தில் கொள்ள வேண்டியது அவசியமாக உள்ளது. இருப்பினும், இங்கிலாந்தை சேர்ந்த இஸ்லாமிய தொண்டு நிறுவனமான முஸ்லீம் எய்ட் என்ற அமைப்பின் கருத்துப்படி, தனிப்பட்ட பயன்பாட்டிற்கான தங்க நகைகள் என்பது குறித்து தெளிவற்றதாக அமைந்துள்ளது. உங்களுடைய தங்க நகைகள் ஜகத் என்பதில் வருகிறதா என்பது நீங்கள் பின்பற்றுகிற பள்ளிவாசலை சார்ந்தது என்று அவர்கள் எதிர்வாதம் வைக்கிறார்கள்; இஸ்லாமியத்தில் உள்ள பெரும்பாலான பள்ளிவாசல்கள், தங்க ஆபரணங்கள் அனைத்திற்கும் ஜகத்-லிருந்து விலக்கு அளிக்கிறது, ஆனால் நீங்கள் ஹனாஃபி மத்ஹாப்-ஐ பின்பற்றுகிறீர்களானால், தங்க நகைகளானது முதலீடு என்று கருதப்பட்டு, அதற்கு ஜகத் செலுத்த வேண்டும்.

ஒரு முறை ஆலிவர் கோல்ட்ஸ்மித் என்ற ஐரிஷ் கவிஞர் கூறினார்: "செல்வம் குவிந்தால், ஆண்கள் சிதைந்துவிடுவர்." உண்மையில், ஜகத் என்றால் "சுத்திகரிக்கும் ஒன்று" என்று அர்த்தமாகும். நன்கொடையாக வழங்கப்படும் தங்கம் மற்றும் பிற பரிசுகள் ஆகியவை ஒருவரின் செல்வத்தைச் சுத்திகரிப்பதாக மட்டுமல்லாமல், இஸ்லாமியத்தில் ஒரு ஆன்மிக சுத்திகரிப்பாகக் கருதப்படுகிறது, இது அல்லாஹ்விடம் நெருங்கி வர வழிவகை செய்கிறது. ஆகையால், ஒரு தார்மீகக் கடமையாக இருப்பது மட்டுமல்லாமல், ஜகத் என்பது ஆன்மிகம் சார்ந்த ஒன்றாகவும் கருதப்படுகிறது. இது ஆசைகளில் இருந்து மனித ஆன்மாவைப் பிரிக்கிறது, மேலும் நாம் சம்பாதிப்பதும், நம்மிடம் இருப்பதும் உண்மையில் நம்முடையது அல்ல, மாறாக அது கடவுளிடமிருந்து வரும் பரிசு என்று இது நமக்கு நினைவூட்டுகிறது.